NOR GARA

ORTZADAR IRABAZI ASMORIK GABEKO ELKARTEA DA ETA 1977. URTETIK MUGAKO ADIMENA DUGUNON ALDE ETA GURE SENDIEN ALDE LANEAN DIHARDU.

ELKARTEA

Ortzadar mugako adimena dugun pertsonok eta gure sendiek sortutako elkartea da. Gure kolektiboa ez da oso ezaguna eta ondorioz, sarritan, gure laguntza beharrak ez dira aitortzen.

Hori dela eta, gure beharrei eta arazoei erantzuna bilatzeko bildu gara elkarte honetan. Gainera, Ortzadarren mugako adimena dugunok zuzendaritza-batzordearen parte gara.

GU GEU

Mugako adimena dugunok ez dugu talde homogeneoa osatzen, pertsona bakoitzak bere beharrak ditu, baina gutariko gehienei ingurune lehiakor, zorrotz eta azkar honetara egokitzea kosta egiten zaigu eta, aldi berean, gure inguruneari ere kosta egiten zaio guri egokitzea, batik bat, gure behar, zailtasun eta gaitasunak ez ezagutzeagatik.

Honen ondorioz, aldizkako laguntzak behar izaten ditugu hainbat esparrutan bizitza duina eta autonomoa lortzeko, esaterako, hezkuntzan, lanean edo gizartean. Esan bezala, ez gara talde homogeneoa, pertsona bakoitzak bere beharrak ditu, baina gure kolektiboa ulertzeko garaian badira lagungarri izan daitezkeen zenbait ezaugarri:

OROKORREAN

Hazpegi bereizgarririk ez.
Buruko adin eta adin kronologikoaren artean desoreka.
Iniziatiba falta eta eguneroko egoerei aurre egiteko arrazoizko mekanismoak sortzeko gaitasun mugatua.
Egoera berriei egokitzeko zailtasunak.
Erabakiak hartzeko eta arazoei aurre egiteko zailtasunak.
Psikomotrizate zailtasunak.

ADIMENEAN

Ikaste prozesu motela.
Kontzeptu abstraktoak ulertzeko oztopoak.
Antolatzeko eta burua kokatzeko zailtasunak.
Adimen malguarekin alderatuta, adimen kristalizatu indartsua.
Irakurtzeko eta idazteko oztopoak.
Hizkuntzaren garapenean zailtasunak.
Dirua kudeatzeko zailtasunak.
Espazioa eta denbora antolatzeko eta kudeatzeko zailtasunak.
Memoria selektibo indartsua beste memoria moten kalterako.

GIZARTERA EGOKITZEKO ETAHARREMANAK IZATEKO OZTOPOAK

Harreman afektiboak izateko zailtasunak.
Helduei dagozkien erantzukizunak hartzeko zailtasunak.
Eguneroko ohituretatik at, inprobisatzeko zailtasunak.